Bu prospektdə sürücülər kütləvi qayda pozub tıxac yaradırlar - VİDEO

Xırdalanda yol hərəkəti qaydalarının kobud şəkildə pozulması tıxacın yaranmasına səbəb olur. Avtosfer.az xəbər verir ki, Heydər Əliyev prospektində (Mehdi Hüseynzadə küçəsi ilə kəsişməyə qədər olan məsafədə) sürücülər hər gün dayanma-durma qaydalarını qaydalarını kobud şəkildə pozurlar.

Qeydə alınmış videodan da aydın şəkildə görünür ki, 99-XO-711 qeydiyyat nişanlı "BMW" markalı avtomobilin sürücüsü ikinci cərgədə dayanaraq yolu kəsib. Onun sağındakı avtomobillər isə bucaq altında dayanaraq sağ zolağı tamamilə bağlayıblar. Hətta iriqabaritli avtomobillər nəinki sağ zolağı, eyni zamanda ikinci zolağı da zəbt edib yolda hərəkəti çətinləşdirirlər.

Qeyd edək ki, bu prospektdə hər gün eyni vəziyyət yaşanır. Bu səbəbdən insanların işə gedib-gələn vaxtı orada uzun tıxac yaranır.

Fərid