Əks yola çıxıb şütüyən sürücü yolda su “şou”su yaratdı - 77-EC-100 - VİDEO

Paytaxtın Nizami rayonu, Elşən Süleymanov küçəsində yol hərəkəti qaydalarını kobud şəkildə pozan sürücü kameraya düşüb.

Bu barədə izləyicilərdən biri görüntüləri Avtosfer.az-ın “Instagram” səhifəsinə göndərərək məlumat verib. Hadisə mayın 26-da saat 16:12 radələrində qeydə alınıb.

Belə ki, 77-EC-100 dövlət qeydiyyat nişanlı “Lexus” markalı avtomobilin sürücüsü yalnız düzünə hərəkətə icazə verən zolaqda yerləşsə də qəfil sola manevr edib və bu zaman görüntünü qeydə alan avtomobilə qəza təhlükəsi yaradıb. Daha sonra o, əks istiqamətli hərəkət zolağına çıxaraq yüksək sürətlə hərəkətini davam etdirib.

Yağışdan sonra yolda toplanan su səbəbindən sürücünün sürətli hərəkəti digər nəqliyyat vasitələrinə və piyadalara narahatlıq yaradıb. Belə ki, avtomobilin yoldakı su yaxınlıqdakı piyadaların üzərinə sıçrayıb.

Şikayətçinin sözlərinə görə, o, avtomobili pəncərəsi açıq vəziyyətdə idarə etdiyi üçün su sıçrayaraq onun üzərinə düşüb və onu isladıb.

Nərmin