Keçidi skuterlə keçən gənc maşının qarşısına qəfil çıxaraq təhlükə yaratdı - VİDEO

Bakıda piyada keçidini düzgün keçməyən gənc oğlan öz həyatını təhlükəyə atıb. Avtosfer.az xəbər verir ki, hadisə Nəriman Nərimanov prospektində qeydə alınıb. Park tipli ayırıcı zolaqda skuterlə hərəkət edən gənc yolu digər tərəfə keçmək üçün piyada keçidinə yaxınlaşıb. Lakin skuterdən düşüb piyada keçmək əvəzinə, o, skuterlə qəfil hərəkət edərək gözlənilməz şəkildə keçidə daxil olub. Bu zaman sağ zolaqla hərəkət edən sürücü onu vurmamaq üçün manevr edib.

Qeyd edək ki, yol hərəkəti qaydalarına əsasən, velosiped və skuter sürücüləri yolu keçən zaman, mütləq şəkildə nəqliyyat vasitəsindən düşməli və keçidi piyada qismində keçməlidir. Bu, həm onun öz təhlükəsizliyi, həm də digər yol hərəkəti iştirakçılarının təhlükəsizliyi baxımından olduqca vacibdir.

Fərid