Körpə uşağı qucağına alıb maşın sürən musiqiçi cəzalandırıldı - VİDEO

Yolda təhlükəli şəkildə qayda pozuntusu edən sürücü qeydə aldığı videonu sosial şəbəkə hesabında paylaşıb. Avtosfer.az xəbər verir ki, hadisə Göyçay rayonunda qeydə alınıb. Belə ki, musiqiçi kimi tanınan Rəhman Yediyarov adlı sürücü idarə etdiyi 77-QE-051 qeydiyyat nişanlı "KIA" markalı avtomobilin sükanı arxasında olarkən körpə uşağı qucağında saxlayaraq bir əlli maşın sürüb.

Qeyd edək ki, bu cür qayda pozuntusu son dərəcə təhlükəlidir. Ani diqqətsizlik və ya gözlənilməz vəziyyət zamanı sürücü bir əllə nə düzgün manevr edə, nə də təhlükədən yayına bilər. Qəza baş verən zaman isə körpə uşaq sürücü ilə sükan arxasında qalaraq həyatını itirə bilər. Bu cür qəzada sürücünün də ağır xəsarətlər alması qaçılmaz olur. Bu səbəbdən belə hərəkətlər birmənalı şəkildə qadağandır.

DİN-in Mətbuat Xidmətinin regional qrupundan Avtosfer.az-a bildirilib ki, sürücü polis əməkdaşları tərəfindən müəyyən olunaraq barəsində İnzibati Xətalar Məcəlləsinin müvafiq maddəsi ilə protokol tərtib edilib.

Fərid