Lüzumsuz yerə sola manevr edib motosikleti sıxışdırdı - 77-RO-862 - VİDEO

Paytaxtın Heydər Əliyev prospektində qayda pozan sürücü kameraya düşüb.

Avtosfer.az-ın məlumatına görə, hadisə noyabrın 5-də saat 13:30 radələrində qeydə alınıb.

Kadrlardan görünür ki, 77-RO-862 dövlət nömrə nişanlı “BYD” markalı avtomobilin sürücüsü sol zolağa “ manevr edərkən həmin zolaqdakı motosikleti sıxışdırıb və qəza şəraiti yaradır. Bu zaman motosikletçi öncə ona siqnal verir, ardınca arxaya dönərək  etirazını bildirir. Bundan sonra “BYD” sürücüsü öz hərəkət zolağına qayıdaraq yoluna davam edir.

Videodan aydın görünür ki, sürücünün manevr etmək istədiyi zolaqda hərəkət üçün heç bir maneə olmayıb. Buna baxmayaraq, o, manevr zamanı motosikletin hərəkətini nəzərə almayaraq təhlükəli vəziyyət yaradıb.

Nərmin