Masazırda sürücülər kütləvi şəkildə əks yola çıxıb hərəkəti çətinləşdirdi - VİDEO

Masazır qəsəbəsində qayda pozuntusu törədən sürücülər kameraya düşüb. Avtosfer.az xəbər verir ki, hadisə sentyabrın 2-də, Qaçaq Nəbi küçəsində qeydə alınıb. İllərdir ki, sözügedən küçədə birtərəfli hərəkət təşkil edilməsinə baxmayaraq bəzi sürücülər nişanın tələbinə məhəl qoymurlar. Qeydə alınmış videodan da aydın şəkildə görünür ki, 9 nəqliyyat vasitəsinin sürücüsü birtərəfli yolun əksi istiqamətində hərəkət edərək qarşıdan gələn sürücülərə maneə törədib.

Qeyd edək ki, bu qayda pozuntusuna görə, İnzibati Xətalar Məcəlləsinin 327.4-cü maddəsilə 4 bal 150 manat məbləğində cərimə nəzərdə tutulub.

Fərid