Maşını velosiped zolağında park edib yolu bağladı - 90-HR-078 - VİDEO

Paytaxtın Mirzəağa Əliyev küçəsində dayanma-durma qaydalarını pozan sürücü görüntülənib.

Avtosfer.az-ın məlumatına görə, hadisə iyulun 21-də saat 15:13 radələrində qeydə alınıb. Belə ki, 90-HR-078 dövlət nömrə nişanlı “Mercedes” markalı avtomobilin sürücüsü nəqliyyat vasitəsini velosiped zolağında park edib. Kadrlardan göründüyü kimi, velosipedçi yolu bağlandığı üçün zolağını tərk edərək digər nəqliyyat vasitələrinin hərəkəti üçün ayrılmış zolağa keçməyə məcbur olub. 

Xatırladaq ki, velosiped zolaqları yalnız velosiped və digər mikromobillik vasitələrinin təhlükəsiz hərəkəti üçün ayrılıb. Bu zolaqlarda avtomobil saxlamaq və ya park etmək həmin hərəkət iştirakçılarını nəqliyyat axınına çıxmağa məcbur edir ki, bu da qəza riskini əhəmiyyətli dərəcədə artırır. Buna görə də sürücülər velosiped zolaqlarını dayanma və parklanma yeri kimi istifadə etməməlidirlər.

Nərmin