Motosikletin sürücüsündə kaska yox, sərnişin isə ayağa qalxıb oynayır - VİDEO

Bakıda gənclərin həyatlarını və digər hərəkət iştirakçılarının təhlükəsizliyini risqə atan hadisə baş verib.

Avtosfer.az xəbər verir ki, paytaxt küçələrində hərəkət edən iki gənc motosikletlə təhlükəli hərəkətlər ediblər. Hadisənin videogörüntülərində motosikletin arxa oturacağında əyləşən sərnişinin qəfil ayağa qalxdığı və balansını saxlamağa çalışaraq müxtəlif hərəkətlər etdiyi görünür.

Sərnişinin bu davranışı həm sürücünün idarəetməsini çətinləşdirib, həm də ətrafdakı digər sürücülər üçün real təhlükə yaradıb. Qanunvericiliyə görə, motosikletdə bu cür təhlükəli hərəkətlər yol hərəkəti qaydalarının pozulması hesab olunur və məsuliyyətə səbəb ola bilər.

Mütəxəssislər bildirirlər ki, motosiklet sürücülərinin və sərnişinlərin qoruyucu dəbilqədən istifadə etməsi, qaydalara riayət etməsi vacibdir. Əks halda belə məsuliyyətsiz davranışlar ağır qəzalarla nəticələnə bilər.

Eltac Zülfüqaroğlu