Neçə aydır yol çöküb, təmir edən yoxdur - SÜRÜCÜLƏRDƏN ŞİKAYƏT - VİDEO

Xırdalan şəhərində yolda yaranmış problemlə bağlı bir neçə sürücü redaksiyamızın qaynar xəttinə şikayət ünvanlayıb. Avtosfer.az xəbər verir ki, söhbət Heydər Əliyev prospekti ilə H.Z.Tağıyev küçəsinin kəsişməsindən gedir.

Şikayət edən sürücülər bildirirlər ki, artıq neçə aydır asfalt qatında çökmə baş verib. Lakin aidiyyəti qurumlar həmin hissəni düzəltmirlər. Çuxurun olduğunu bilən sürücülər yandan keçsə də, bilməyənlər ora düşərək avtomobillərinə ziyan dəyir.

Ümid edirik ki, aiddiyəti qurumlar tez bir zamanda yaranmış nöqsanı aradan qaldıracaq.

Fərid