Necə gəldi sola dönən sürücü az qala qəzaya səbəb olacaqdı - VİDEO

Zabrat-Kürdəxanı yolunda qayda pozan sürücü təhlükəli vəziyyət yaradıb.

Avtosfer.az-ın məlumatına görə, hadisə noyabrın 9-da saat 13:23 radələrində qeydə alınıb.

Kadrlardan görünür ki, yolayrıcına daxil olan 30-BX-887 dövlət nömrə nişanlı “Chevrolet” markalı avtomobilin sürücüsü qarşıdan gələn 90-UA-031 dövlət nömrə nişanlı “Iran Khodro Runna” markalı maşına yol vermədən sola dönüb. Nəticədə o, qəza şəraitinə səbəb olub. Belə ki, əks yoldakı sürücü qayda pozan maşının arxasındakı avtomobillə toqquşmaqdan son anda yayınıb. 

Qeyd edək ki, qanunvericiliyin tələbinə əsasən, sürücü sola dönərkən qarşıdan düzünə və ya sağa hərəkət edən nəqliyyat vasitələrinə yol verməlidir. Bu qaydanın pozulması digər hərəkət iştirakçıları üçün qəza riski yaradır.

Nərmin