Polisdən qaçmağa cəhd edən sürücü belə saxlanıldı - VİDEO - YENİLƏNİB

Bakıda yol polisinin qanuni "saxla" əmrinə tabe olmayan sürücünü iki Dövlət Yol Polisi və bir Post Patrul Xidməti avtomobilinin vasitəsilə saxlamaq mümkün olub.
Hadisə paytaxtın Azərbaycan prospektində qeydə alınıb.
Bakı Şəhər Dövlət Yol Polisi İdarəsinin bölmə rəisi Toğrul Nəsirli  Avtosfer.az-a bildirib ki, BMW markalı, 10-RE-031 dövlət qeydiyyat nişanlı avtomobilin sürücüsü Səxavət Talıbova yol hərəkəti qaydasını pozduğu üçün BDYPİ əməkdaşları tərəfindən saxla işarəsi verilib:
 "Sürücü əmrə məhəl qoymayaraq hərəkəti davam etdirib. Yolda avtoxuliqanlıq hərəkətləri edib. Nəqliyyat vasitəsi saxlanılarkən məlum olub ki, sürücü sərxoş vəziyyətdə olub. Barəsində protokol tərtib olunub və baxılması üçün aidiyyəti üzrə məhkəməyə göndəriləcək".

***

Bakıda sürücü polis əməkdaşlarından qaçmağa cəhd edib.

Avtosfer.az unikal-a istinadən xəbər verir ki, yol polisi həmin avtomobilin qarşısını kəsərək saxlayıb.

Əlavə məlumat veriləcək.