Prospektdə sıxlıqdan yayınmaq istəyən sürücü qəza şəraiti yaratdı - VİDEO

Paytaxtın Ziya Bünyadov prospektində təhlükəli manevr edən sürücü avtomobilin videoregistratoruna düşüb.

Avtosfer.az-ın məlumatına görə, hadisə mayın 25-də saat 08:37 radələrində qeydə alınıb. Kadrlardan görünür ki, 77-MP-890 dövlət nömrə nişanlı “Nissan” markalı avtomobilin sürücüsü yolda yaranan sıxlıq səbəbindən qəfil sağ zolağa keçir. Bu zaman o, həmin zolaqda hərəkətdə olan avtomobilə qəza şəraiti yaradır.

Görüntülərdən də aydın görünür ki, digər sürücünün vaxtında reaksiya verməsi mümkün toqquşmanın qarşısını alıb.

Qeyd edək ki, sıxlıq zamanı zolaqlar arasında qəfil manevrlər ən çox rast gəlinən qəza səbəblərindən biridir. Qanunvericiliyə əsasən, sürücü zolaq dəyişməzdən əvvəl digər hərəkət iştirakçılarına təhlükə yaratmadığına əmin olmalı və manevri əvvəlcədən işıq siqnalları ilə bildirməlidir.

Nərmin