Qayda pozan sürücü təhlükə yaratdığı maşına siqnal da verdi - VİDEO

Paytaxtın Binəqədi şosesində qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə sentyabrın 3-də saat 13:46 radələrində qeydə alınıb.

Belə ki, yolun kənarından hərəkətə başlayan 77-LY-552 dövlət nömrə nişanlı “Hyundai” markalı avtomobilin sürücüsü əsas yola çıxıb. Bu zaman o, yaxınlaşan nəqliyyat vasitəsinə yol verməyərək qəza şəraiti yaradıb.

Görüntüləri qeydə alan sürücü toqquşmanın qarşısını almaq üçün son anda sola manevr edib. Bununla kifayətlənməyən sürücü təhlükə yaratdığı avtomobilə siqnal da verib.

Xatırladaq ki, sürücü dayanacaqdan və ya yolun kənarından hərəkət hissəsinə çıxarkən digər hərəkət iştirakçılarına maneə və təhlükə yaratmamalı, yol şəraitini nəzərə alaraq manevri təhlükəsiz şəkildə həyata keçirməlidir.

Nərmin