Qaydaları pozdu, sonra da polisə tabe olmadı

Bakıda ictimai qaydaları pozan taksi sürücüsü inzibati məsuliyyətə cəlb edilib.

Avtosfer.az qafqazinfo-ya istinadən xəbər verir ki, hadisə Xətai rayonu Ağ şəhər kompleksindəki Yaşıl ada küçəsində qeydə alınıb.

Yol polisi əməkdaşları ikinci hərəkət zolağında dayanan taksi sürücüsünə qaydaları pozduğunu bildiriblər. Bu zaman 1988-ci il təvəllüdlü sürücü A.Rzayev (şərti) tabesizlik göstərərək ictimai qaydaları pozub.

Polis əməkdaşları tərəfindən saxlanılaraq 37-ci Polis Şöbəsinə aparılan şəxs barəsində protokol tərtib edilib.

Xətai Rayon Məhkəməsinin qərarı ilə taksi sürücüsü 8 sutkalıq inzibati həbs edilib.