Sayrışan işıqla sürülən maşın saxlanıldı və.. - 44-BF-001 - VİDEO

44-BF-001 dövlət nömrə nişanlı "Ford" markalı avtomobilin sürücüsünün nəqliyyat vasitəsinə sayrışan işıqlar, digər əlavə avadanlıqlar quraşdırması və bu şəkildə idarə etməsi ilə bağlı görüntü sosial şəbəkələrdə yayılıb.

Paylaşımla bağlı DİN-in Mətbuat Xidmətinin Lənkəran regional qrupu Avtosfer.az-ın sorğusunu cavablayıb. Bildirilib ki, iyunun 24-də Masallı rayon sakini İldırım Məmmədov idarə etdiyi "Ford" markalı minik avtomobili ilə köhnə Ələt-Astara avtomobil yolunun Təzə Alvadı kəndindən keçən hissəsində qəza törədib. Hadisə zamanı xəsarət alan olmasa da, digər nəqliyyat vasitəsinin yan güzgüsünün qırılıb. Lakin qəzaya səbəb olan sürücü hadisə yerindən yayınıb. Yol-nəqliyyat hadisəsiylə bağlı toplanmış material ərazi üzrə xidmət aparan dövlət yol polisi əməkdaşları tərəfindən aidiyyəti üzrə Masallı Rayon Polis Şöbəsinə göndərilib. Şöbəyə dəvət edilən sürücü barəsində törətdiyi əmələ müvafiq olaraq protokol tərtib edilib. Sözügedən nəqliyyat vasitəsinə baxış keçirilib, sayrışan işıq və ya digər hər hansı əlavə avadanlıq aşkar edilməyib.

Nərmin