“Sədərək”də sürücülərə sərt nəzarət başladı: Qayda pozanlar müəyyən edilir - VİDEO

İllərdir sürücülərin “Sədərək” Ticarət Mərkəzinin ərazisində yol hərəkəti qaydalarını kütləvi şəkildə pozması müşahidə olunur. Bir çox sürücü ticarət mərkəzinin ərazisində yol hərəkəti qaydalarına əməl etməyin vacib olmadığını düşünür. Halbuki bu ərazi ümumi istifadədə olan yol sahəsi olduğundan burada yol hərəkəti qaydalarının tələbləri tam şəkildə tətbiq edilir.

Avtosfer.az xəbər verir ki, qayda pozuntularının qarşısının alınması və hərəkət təhlükəsizliyinin təmin edilməsi məqsədilə ərazidə nəzarət kameraları quraşdırılıb.

Artıq svetoforun qırmızı işığında hərəkəti davam etdirən, həmçinin “Stop” xəttinin tələblərinə məhəl qoymayan sürücülərin avtomatik şəkildə aşkarlanaraq məsuliyyətə cəlb edilməsi həyata keçirilir.

Qeyd edək ki, ərazinin ticarət mərkəzinə aid olması sürücüyə yol hərəkəti qaydalarını pozmaq üçün hər hansı üstünlük və ya istisna vermir.

Fərid