Səkini parkinqə çevirən sürücülər piyadaların həyatını təhlükəyə atırlar - VİDEO

Bakıda sürücülərin kütləvi şəkildə qayda pozuntularını oxuculardan biri qeydə alaraq redaksiyamızın qaynar xəttinə göndərib. Avtosfer.az xəbər verir ki, hadisə martın 1-də, paytaxtın 22-ci dağlıq küçəsində ("Yeganə" şadlıq sarayının yaxınlığında) qeydə alınıb.

Belə ki, 99-RF-457 qeydiyyat nişanlı "Daewoo" markalı, 77-QG-280 qeydiyyat nişanlı "Ford" markalı, 77-HM-243 qeydiyyat nişanlı "Toyota" markalı, 77-KU-450 qeydiyyat nişanlı "Nissan" markalı və digər nəqliyyat vasitələrinin sürücüləri səkidə parklanma edərək ərazini zəbt ediblər. Piyadalar məcburi şəkildə yolun hərəkət hissəsi ilə getməli olurlar ki, bu da onların həyatı üçün təhlükə yaradır.

Oxucu bildirir ki, məsələ ilə bağlı dəfələrlə müraciət etsək də, sürücülər öz əməllərindən əl çəkmirlər.

Sözügedən videonu təqdim edirik.

Könül Rauf