Sərnişin dolu avtobusda məsuliyyətsizlik: Sürücü telefondan əl çəkmədi - VİDEO

Paytaxtın Heydər Əliyev prospektində qayda pozan avtobus sürücüsü kameraya düşüb.

Avtosfer.az-ın məlumatına görə, hadisə iyunun 10-da saat 08:50 radələrində qeydə alınıb. Belə ki, 10-OL-441 dövlət nömrə nişanlı “Mercedes” markalı avtobusun sürücüsü hərəkətdə olarkən sükan arxasında mobil telefondan istifadə edib.

Görüntülərdən məlum olur ki, sürücü nəqliyyat vasitəsini idarə etdiyi anda diqqətini yoldan yayındıraraq telefonla məşğul olub. Bu cür davranış isə həm avtobusda olan sərnişinlərin, həm də digər hərəkət iştirakçılarının təhlükəsizliyini risk altına atır.

Qeyd edək ki, nəqliyyat vasitəsini idarə edən zaman mobil telefondan istifadə diqqətin yayınmasına səbəb olan əsas amillərdən biri hesab olunur. Yol hərəkəti qaydalarına əsasən, sürücünün sükan arxasında telefondan istifadə etməsi inzibati məsuliyyət yaradır.

Nərmin