Sərxoş halda polisə yaxalanan sürücü ŞOU GÖSTƏRDİ - Vəsiqəsi əlindən alındı, 26 min cərimələndi – VİDEO

Yol polisinin əməliyyat keçirdiyini görən sərxoş sürücü avtomobilini park edərək özünü piyada kimi göstərsə də cəzadan qaça bilməyib.  Avtosfer.az xəbər verir ki, hadisə Türkiyənin Bursa şəhərində baş verib. Bursa Nəqliyyata Nəzarət Şöbə Müdirliyi əməkdaşları şəhərin Hacı İlyas məhəlləsindəki Kıbrıs Şehitleri küçəsində keçirdiyi reyd zamanı 16-BRD-833 dövlət nömrə nişanlı avtomobilin sürücüsünün maşını 100 metr kənarda park etdiyini və piyada halda spirtli içkilərin olduğu bir məkana daxil olduğunu görüblər. Vəziyyəti anlayan polis əməkdaşları bir müddət sürücünün çölə çıxmasını gözləyib. Sonra məkan sahibi tərəfindən polisə təhvil verilən şəxs sürücülük və şəxsiyyət vəsiqəsini onlara göstərməyib. Lakin şəxsiyyətini müəyyən etmək üçün polis bölməsinə aparılacağını eşidəndə sürücülük vəsiqəsini əməkdaşlara verən Uğurhan G. alkotesterə üfürürmüş kimi  4 dəfə cəhd edib. Onun bu hərəkətləri inspektoru özündən çıxarıb və ondan maşınının açarları istənilib. Ancaq Uğurhan G. qaçıb və inspektor arxadan “Qaçdığın üçün tədbir görməyəcəyik?", “Sürücülük vəsiqən məndədir, qaç” - deyə səslənib. Bundan sonra o, geri dönüb və “qaçmıram, qardaş” deyə, cavab verib.

Yekunda Uğurhan G.-nin sürücülük vəsiqəsi 2 il müddətinə əlindən alınıb, avtomobili isə cərimə dayanacağına aparılıb. Bundan əlavə, ona 26 min 557 lirə cərimə də kəsilib.

Namiq Musayev