Sürət həddini aşmayan sürücü 60-lıq yolda 100-lə radara düşdü - VİDEO

Bakıda qaydaları pozmayan sürücü radara düşüb. Avtosfer.az xəbər verir ki, hadisə Sulutəpə dairəsi yaxınlığında baş verib.

Belə ki, 77-SM-365 dövlət qeydiyyat nişanlı "Lixiang" markalı avtomobilin sürücüsü sürət həddinin 60 km/saat olduğu yolda 61 km/saat sürətlə hərəkət edərkən e-patrul vasitəsilə barəsində elektron qərar tərtib edilib. Qərarda sürücünün 100 km/saat sürətlə hərəkət etdiyi qeyd olunub.

Lakin avtomobildə quraşdırılmış videoregistratorun GPS məlumatları sürücünün həmin vaxt cəmi 61 km/saat sürətlə hərəkət etdiyini açıq şəkildə göstərir.

Sürücü heç bir qayda pozuntusuna yol vermədiyini bildirərək, onun barəsində tərtib edilmiş cərimənin ləğv olunmasını xahiş edir.

Fərid