Sürücü avtomobili elə saxladı ki, piyadaya yer qalmadı – VİDEO - YENİLƏNİB

Əldə etdiyimiz məlumata görə “Hyundai” markalı 77-RV-387 dövlət qeydiyyat nişanlı avtomobilin sürücüsünə polis əməkdaşları tərəfindən inzibati protokol tərtib olunub.

*** 08 may, 10:00
Paytaxtda bəzi sürücülərin avtomobilləri təşkil olunmamış və piyadaların hərəkətinə mane olacaq şəkildə saxlaması narazılığa səbəb olur.

Avtosfer.az xəbər verir ki, “Hyundai” markalı 77-RV-387 nömrə nişanlı avtomobilin sürücüsü nəqliyyat vasitəsini piyadaların istifadə etdiyi hissədə park edib. Nəticədə, piyadaların sərbəst hərəkəti çətinləşib.

Şikayətçi bildirib ki, uşaq arabası ilə hərəkət etdiyi üçün həmin ərazidən keçməkdə ciddi çətinlik yaşayıb. Onun sözlərinə görə, avtomobilin düzgün park edilməməsi piyadaları yolun hərəkət hissəsinə çıxmağa məcbur edir ki, bu da təhlükə yaradır.

Sosial şəbəkələrdə yayılan görüntülər də istifadəçilər tərəfindən narazılıqla qarşılanıb. Vətəndaşlar sürücüləri piyadaların hüquqlarına hörmət etməyə və avtomobilləri yalnız icazə verilən yerlərdə saxlamağa çağırıblar.

Qeyd edək ki, piyadaların hərəkətinə mane olacaq şəkildə park edilən avtomobillər həm inzibati məsuliyyət yaradır, həm də yol hərəkəti təhlükəsizliyinə ciddi risk hesab olunur.

Eltac Zülfüqaroğlu