Sürücü avtomobili ilə iki maşınlıq yeri tutdu – Kütləvi narazılıq yaratdı - VİDEO

Paytaxtın Mir Cəlal küçəsi 34 ünvanında parklanma qaydasını kobud şəkildə pozan sürücü kameraya düşüb.

Bu barədə izləyicilərdən biri görüntüləri Avtosfer.az-ın “WhatsApp” xəttinə göndərərək məlumat verib. Kadrlardan görünür ki, 77-BU-774 dövlət qeydiyyat nişanlı “BMW” markalı avtomobilin sürücüsü nəqliyyat vasitəsini parklanma yerində düzgün yerləşdirməyib. Nəticədə avtomobil iki yer tutaraq digər sürücülərin park etməsinə maneə yaradıb.

Şikayətçinin sözlərinə görə, sürücü ərazidə olmayıb və avtomobil uzun müddət həmin vəziyyətdə saxlanılıb. 

İzləyici bildirib ki, bu vəziyyət digər sürücülər üçün də çətinlik yaradır. Belə ki, avtomobillər parklanma yerinə tam yerləşmədiyindən onların ön hissəsi adacığın üzərinə çıxır və nəticədə sürücülər cərimə olunurlar.

Qeyd edək ki, parklanma zamanı avtomobili xətlərə uyğun şəkildə saxlamaq təkcə qayda tələbi deyil, həm də digər hərəkət iştirakçılarına hörmət göstəricisidir. Bir sürücünün məsuliyyətsiz davranışı bəzən onlarla insanın vaxt itkisi və əlavə çətinliklə üzləşməsi ilə nəticələnir.

Nərmin