Sürücülərin bu qayda pozuntusu yolda hərəkəti iflic edir - VİDEO

Paytaxtın bir sıra küçə və prospektlərində sürücülərin intizamsızlığı səbəbindən sıxlıq yaranır. Avtosfer.az xəbər verir ki, buna misal olaraq Ziya Bünyadov prospektini göstərmək olar. Belə ki, körpüyə qalxan hissədə sürücülər sıxlıqda qalmamaq üçün sağdakı boş zolaqlarla hərəkət edərək son anda sola manevr edirlər. Bu səbəbdən körpünün girişində sıxlıq yaranır. Qeydə alınmış videodan da aydın şəkildə görünür ki, bir neçə minik avtomobilinin, avtobusun və yük avtomobilinin bu formada hərəkət etməsi yolda sıxlığa səbəb olub. Ən pisi isə odur ki, sürücülərin yaratdığı bu vəziyyət yoldakı ümumi hərəkəti iflic edir. Süni şəkildə tıxacın yaranmaması üçün, körpü istiqamətinə hərəkət edən sürücülərin öncədən sol zolaqlarda yerləşməsi vacib hesab olunur.

Fərid