Sürücülərin etdiyi bu səhv dayanma-durma qaydasının pozulmasıdır: CƏRİMƏSİ VAR - VİDEO

Dayanma-durma qaydasını pozan sürücü qəzaya səbəb olub. Avtosfer.az xəbər verir ki, hadisə anbaan təhlükəsizlik kamerasına düşüb. Belə ki, "Fiat Doblo" markalı avtomobilin sürücüsü parklanma edərək ərazidən uzaqlaşır. Bu zaman avtomobil öz-özünə hərəkət edərək maneəyə çırpılıb.

"Yol hərəkəti haqqında" qanunun 52-ci maddəsində qeyd olunub ki, sürücü nəqliyyat vasitəsini duracağa qoyduqda mühərriki söndürməli, duracaq tormoz sistemini qoşmalıdır. Eyni zamanda nəqliyyat vasitəsinin öz-özünə hərəkətini və ya sürücü olmadıqda ondan istifadəni istisna edən zəruri tədbirləri gördükdən sonra sürücü öz yerini tərk edə və ya nəqliyyat vasitəsini qoyub gedə bilər.

Qeyd edək ki, bu qayda pozuntusunu törədən sürücülər 20 manat məbləğində cərimə oluna bilərlər.

Fərid