Taksi duracağını zəbt edib işıqforadək sıra yaratdılar - ŞİKAYƏT - VİDEO

Paytaxtın Nizami rayonunda kütləvi şəkildə qayda pozan sürücülər görüntülənib.

Avtosfer.az-ın məlumatına görə, hadisə bir neçə gün əvvəl Qara Qarayev prospektində qeydə alınıb. Belə ki, 77-HZ-343 dövlət nömrə nişanlı “Mercedes Sprinter” markalı, 99-OT-781 dövlət nömrə nişanlı “Mercedes” markalı, 77-TR-208 dövlət nömrə nişanlı “Ford Transit” markalı və 99-MZ-773 dövlət nömrə nişanlı “Mercedes Viano” markalı avtomobillərin sürücüləri taksi duracağını zəbt ediblər.

Nəticədə əraziyə yaxınlaşan taksi sürücüsü müştərini düşürmək üçün yer tapa bilməyib. O bildirib ki, avtomobillər işıqforadək uzanan sıra ilə düzülərək duracağı tutduqlarından ərazidə dayanmağa yer qalmayıb.

Qeyd edək ki, görüntülər sosial şəbəkələrdə müzakirələrə səbəb olub. Bəzi istifadəçilər də oxşar vəziyyətlə qarşılaşdıqlarını bildiriblər.

Nərmin