Velosiped zolaqlarında gəzintiyə çıxan piyadalar təhlükə yaradır - VİDEO

Paytaxtda velosiped sürücüsü tərəfindən lentə alınan kadrlar sosial şəbəkələrdə geniş müzakirələrə səbəb olub. 

Avtosfer.az xəbər verir ki, görüntülərdə velosipedlər üçün ayrılan xüsusi zolağın piyadalar tərəfindən tutulduğu, nəticədə sürücülərin özlərinə aid olan hissədən maneəsiz şəkildə istifadə edə bilmədiyi açıq şəkildə görünür. Kadrlardan da görünür ki, belə hallar daha çox səkilərdə və parklarda təşkil edilən zolaqlarda yaşanır. Belə ki, “28 May” Nəqliyyat Mübadilə Mərkəzinin və Bulvar ərazisində təşkil edilən velosiped zolaqlarında vətəndaşlar bu yolda hərəkəti nəzərdə tutulan nəqliyyat vasitələrini nəzərə almır və zolaqda hərəkət edir.

Bu cür hallar həm velosipedçilər, həm də piyadalar üçün təhlükə yaradır. Çünki velosiped yolu üzərində gözlənilmədən hərəkət edən piyada qəza riskini artırır. Qaydalara görə, piyadaların yalnız onlar üçün nəzərdə tutulmuş səkilərdən istifadə etməsi tələb olunur.

Eltac Zülfüqaroğlu