“Yol ver” nişanını gözardı edən sürücü motosikletçini təhlükəyə atdı - VİDEO

Paytaxtın Ziya Bünyadov və Azadlıq prospektlərinin kəsişməsində qayda pozan sürücü kameraya düşüb.

Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb. Belə ki, 77-JX-230 dövlət nömrə nişanlı “Hyundai” markalı yük maşınının sürücüsü yol ver nişanına əhəmiyyət vermədən hərəkət edib. Nəticədə o, baş yoldan gələn motosikletin yolunu kəsərək qəza şəraiti yaradıb. Xoşbəxtlikdən moto sürücü vaxtında dayanaraq qəzadan son anda yayınıb. 

Xatırladaq ki, qanunvericiliyə əsasən, yolayrıcında “Yol ver” nişanı varsa, sürücü mütləq baş yoldan gələn nəqliyyat vasitələrinə yol verməlidir. Bu tələbə əməl edilməməsi, xüsusilə intensiv hərəkətin olduğu yolayrıclarında, bir neçə saniyə ərzində ağır qəza ilə nəticələnə bilər.

Nərmin