Yol vermədi, qəza şəraiti yaratdı, hələ bir etiraz da etdi - VİDEO

Paytaxtın Nərimanov rayonu, Koroğlu Rəhimov küçəsində qayda pozan sürücü avtomobilin kamerasına düşüb.

Bu barədə izləyicilərdən biri Avtosfer.az-ın qaynar xəttinə müraciət edərək məlumat verib. Hadisə avqustun 5-də saat 18:55 radələrində baş verib.

Belə ki, 99-UZ-471 dövlət nömrə nişanlı “Hyundai” markalı avtomobilin sürücüsü ikinci dərəcəli yoldan baş yola çıxarkən hərəkətdə olan nəqliyyat vasitəsinə üstünlük verməyərək yoluna davam edib. Nəticədə o, görüntünü qeydə alan avtomobilə qəza şəraiti yaradıb.

Xoşbəxtlikdən təhlükəylə üzləşən avtomobilin sürücüsü vaxtında sola manevr edərək qəzanın baş verməsinə imkan verməyib.

Şikayətçinin sözlərinə görə, qayda pozuntusuna yol verən sürücü hadisədən sonra səhvini başa düşmək əvəzinə, əl-qol hərəkətləri ilə özünə haqq qazandırmağa çalışıb.

Qeyd edək ki, qanunvericiliyə əsasən, ikinci dərəcəli yoldan baş yola çıxan sürücü baş yolda hərəkət edən nəqliyyat vasitələrinə yol verməyə borcludur.

Nərmin