Yüksək sürətlə zolaq dəyişən yük maşını qəza şəraiti yaratdı - VİDEO

Paytaxtın Heydər Əliyev prospektində qayda pozan sürücü avtomobilin kamerasına düşüb.

Avtosfer.az-ın hadisə iyunun 5-də saat 10:41 radələrində qeydə alınıb. Bu barədə sürücülük təlimçisi Arzu Babazadə saytımızın  “WhatsApp” ünvanına videomaterial göndərərək məlumat verib.

Belə ki, 99-JU-064 dövlət nömrə nişanlı “Ford Transit” markalı yük avtomobilinin sürücüsü əvvəlcə qismən təhlükəsizlik adacığını, daha sonra isə bütöv xəttin tələbini pozaraq sağ zolağa qəfil manevr etdiyi görünür.

Təlimçinin sözlərinə görə, sürücü onun dönmə işığını yandırmasına və avtomobilini həmin zolağa yönəltməsinə məhəl qoymadan yüksək sürətlə hərəkətini davam etdirib. Xoşbəxtlikdən təlimçi operativ reaksiya verərək nəqliyyat vasitəsini vaxtında saxlayıb və baş verə biləcək qəzanın qarşısını alıb.

Nərmin