Ziya Bünyadovda zolaq zəbt olunub - Avtobus sürücüləri narazılıq edir - VİDEO

Paytaxtın Ziya Bünyadov prospektində avtobus zolağı sürücülərin parkinq zonasına çevrilib.

Bu barədə izləyicilərdən biri Avtosfer.az-ın qaynar xəttinə videomaterial göndərib. Onun iddiasına görə, sözügedən ərazidə təşkil olunmuş avtobus zolağı sürücülər tərəfindən davamlı olaraq  zəbt olunur. Nəticədə avtobus sürücüləri zolaqda hərəkət edə bilmədikləri üçün sola keçid etməli olurlar. Bu halda isə digər hərəkət iştirakçılarına qəza riski yaradırlar.

Xatırladaq ki, qeyd olunmuş ərazidə avtobus zolağı nişanında göstərilən saatlar istisna olmaqla sürücülər avtomobillərini paralel - digər nəqliyyat vasitələrinin hərəkətinə maneə olmayan şəkildə park edə bilərlər. Əks halda isə onlar dayanma-durma qaydalarını pozmuş olurlar.

Nərmin