"07" və "NİVA" toqquşdu: 3 yaralı - Tovuzda

Tovuzda yol-nəqliyyat hadisəsi baş verib. Avtosfer.az-ın Trend-ə istinadən məlumatına görə, hadisə rayonun Aşağı Öysüzlü kəndi ərazisində baş verib. Rayonun Əlibəyli kənd sakini, 1987-ci il təvəllüdlü Quliyev Elxan Əziz oğlu idarə etdiyi "VAZ 2107" markallı avtomobillə qarşıdan gələn "NİVA" markalı avtomobil toqquşub. Hadisə nəticəsində sürücü və sərnişinləri, həyat yoldaşı, 1994-cü il təvəllüdlü Quliyeva Aynur Nadir qızı və övladları, 2012-ci il təvəllüdlü Quliyeva Ayan Elxan qızı xəsarət alıb. Yaralılar Tovuz rayon Mərkəzi Xəstəxanasına gətirilib. Faktla bağlı araşdırma aparılır.