195 sərnişini olan bərə qəza törədib

Cənubi Koreyanın Cecu adasının sahil sularında göyərtəsində 199 nəfər (195 sərnişin və 4 heyət üzvü) olan bərə qayalıq əraziyə sıxışıb. Xoşbəxtlikdən qəza nəticəsində xəsarət alan olmayıb. Avtosfer.az Azərtac-a istinadən xəbər verir ki, Marado adasından Cecu adasına gedən gəmi yerli vaxtla 14:43-də qəza ilə bağlı sahilə məlumat verərək, kömək istəyib. Dərhal hadisə yerinə yaxınlaşan dəniz polisinin gəmisi sərnişinləri təxliyə edib. Daha sonra xüsusi gəmilər vasitəsilə bərə sahilə çəkilib. Hazırda faktla bağlı araşdırma aparılır.