21 yaşlı velosipedçini maşın vurdu - Salyanda

Bu gün günorta saatlarında Salyan – Sabirabad rayonları arasındakı “Noxudlu” yolunun 10-cu km-də  velosipedçinin vurulması ilə nəticələnən yol nəqliyyat hadisəsi baş verib. Avtosfer.az-ın Virtualaz.org-a istinadən məlumatına görə, Salyan rayon sakininin idarə etdiyi “Qazel” markalı yük maşını ilə velosipedçi, 1997-ci ildə anadan olmuş , rayonun Yuxarı Noxudlu kənd sakini  Elvin Seyran oğlu Qurbanov vurulub. Müxtəlif dərəcəli bədən xəsarətləri alan velosipedçi Salyan Rayon Mərkəzi Xəstəxanasına yerləşdirilib. Hadisənin velosipedçinin ehtiyatsızlığı üzündən baş verdiyi deyilir. Faktla bağlı araşdırma aparılır.