Abşeronda yol qəzası baş verib, 5 nəfər xəsarət alıb

Abşeron rayonunda yol qəzası baş verib. Avtosfer.az-ın “Report”a istinadən məlumatına görə, hadisə Saray qəsəbəsində qeydə alınıb. Belə ki, iki minik avtomobilinin toqquşması zamanı Sumqayıt şəhər sakinləri - 1962-ci il təvəllüdlü Hidayət Nəbi oğlu Nəsirov, 1977-ci il təvəllüdlü Ramin Adil oğlu Əsgərov, 1983-cü il təvəllüdlü Nurşən Bəşir oğlu Şəfiyev, 1994-cü il təvəllüdlü Qədim Mustafa oğlu Məmmədov və 1964-cü il təvəllüdlü İlqar Nail oğlu Mirzəyev müxtəlif dərəcəli bədən xəsarətləri alaraq xəstəxanaya çatdırılıb. Faktla bağlı araşdırma aparılır.