Aeroportda iki təyyarə toqquşub

Fransanın paytaxtı Parisdə "Ruassi - Şarl de Qoll " hava limanında iki təyyarə toqquşub. Avtosfer.az-ın Trend-ə istinadən məlumatına görə, hadisə nəticəsində xəsarət alan olmayıb. "Air France" aviaşirkətinə məxsus təyyarə dayanacaq yerini tərk etdikdən sonra uçuş-enmə zolağı istiqamətində hərəkət edib və dayanıb. Bu zaman arxadan keçən "Delta Air"in təyyarəsi birinci təyyarəyə qanadı ilə dəyib. "Air France" təyyarəsinin uçuşu təxirə salınıb. Hadisə ilə bağlı araşdırma aparılır.