Ağır yol qəzası: 1 ölü, 40 yaralı

İsveçrənin Sürix kantonunda baş verən yol qəzası nəticəsində azı 1 nəfər ölüb, 40 nəfərdən çox xəsarət alan var. Avtosfer.az-ın Trend-ə istinadən məlumatına görə, bu barədə yerli polis “Twitter” sosial şəbəkəsində yazıb. Avtobus İtaliyanın Genuya şəhərindən Almaniyanın Düsseldorf şəhəri istiqamətində hərəkət edirmiş. Hadisənin baş vermə səbəbi məlum deyil. Hadisə yerində xilasedicilər iş görür. Həkimlər xəsarət alan 3 nəfərin vəziyyətini ağır olaraq qiymətləndirir.