Ağır yol qəzası: 12 ölü, 20-dən çox yaralı

Meksikada ağır yol-nəqliyyat hadisəsi baş verib. Avtosfer.az-ın Trend-ə istinadən məlumatına görə, Miçoakan ştatının Anqanqeo rayonunda sərnişinlə dolu avtobus yoldan kənara çıxaraq ağaca çırpılıb. Qəza nəticəsində 12 nəfər ölüb, 23 nəfər xəsarət alıb. Yaralılardan 5-nin vəziyyəti ağırdır. İlkin ehtimala əsasən, hadisəyə səbəb əyləc sisteminin işləməməsi olub.