Avtobus aşdı: 17 ölü, 8 nəfər itkin düşüb

Pakistanda sərnişin avtobusunun dərəyə yuvarlanması nəticəsində 17 nəfər ölüb, 8 nəfər itkin düşüb. Avtosfer.az “Report”a istinadən xəbər verir ki, hadisə ölkənin şimalında, Kuxistan bölgəsində olub. Bildirilib ki, avtobusda sürücü ilə birlikdə 25 nəfər olub. Ümumdünya Səhiyyə Təşkilatının məlumatına görə, Pakistanda hər il yol-nəqliyyat qəzaları nəticəsində orta hesabla 29 min 300 nəfər ölür.