Avtobus aşdı: 3 ölü, 28 yaralı

Makedoniyadan yola düşən avtobus Serbiyanın cənubunda yoldan çıxıb. Avtosfer.az-ın Trend-ə istinadən məlumatına görə, hadisə yerli vaxtla saat 01:45-də baş verib. Prilep-Vyana marşrutu ilə hərəkət edən avtobus yoldan çıxıb və aşıb. Serbiya Daxili İşlər Nazirliyindən verilən məlumata əsasən, 3 nəfər ölüb, 28 nəfər xəstəxanaya çatdırılıb. Hadisə yerində polis qəzanın səbəblərini araşdırır. Qeyd edək ki, son iki gündür Serbiyada yağış və qar yağıb.