Avtobus aşdı: 4 ölü, 41 yaralı var

Çinin Şansi vilayətində avtobusun yoldan çıxaraq aşması nəticəsində 4 nəfər ölüb, 41 nəfər müxtəlif dərəcəli bədən xəsarəti alıb. Avtosfer.az Azərtac-a istinadən məlumatına istinadla xəbər verir ki, avtobusun yoldan çıxaraq aşmasına səbəb yolun buz bağlaması olub. Hadisə Cinbien qəsəbəsi yaxınlığında yerli vaxtla 14:17-də (Bakı vaxtı ilə 10:17) baş verib. Yaralıların hamısı xəstəxanalara yerləşdirilib. Onlardan üçünün vəziyyəti ağırdır.