Avtomobil 15 yaşlı velosipedçini vurub - Hacıqabulda

Hacıqabul rayonunda 1 nəfərin xəsarət alması ilə nəticələnən yol-nəqliyyat hadisəsi baş verib. Avtosfer.az-ın “Report”a istinadən məlumatına görə, gecə 00.30 radələrində “Mercedes” markalı avtomobil yolun kənarı ilə velosipedlə hərəkətdə 2003-cü il təvəllüdlü Muğan kənd sakini Rüstəmov Əli Məmmədsadıq oğlunu vurub. Nəticədə yeniyetmə sol baldırının sınığı və baş-təpə nahiyəsinin travması ilə Şirvan Şəhər Xəstəxanasının Travmatologiya şöbəsinə yerləşdirilib. Faktla bağlı araşdırma aparılır.