Avtomobil 54 yaşlı piyadanı vurub - Şəmkirdə

Şəmkir şəhərində piyadanın vurulması ilə nəticələnən yol-nəqliyyat hadisəsi baş verib. Avtosfer.az-ın "Report"a istinadən məlumatına görə, hadisə şəhərin 2-ci və 3-cü küçələrinin kəsişməsində qeydə alınıb. Yolu qarşı tərəfə keçmək istəyən 54 yaşlı Zahid Məmmədovu avtomobil vurub. O, müxtəlif bədən xəsarətləri ilə xəstəxanaya yerləşdirilib. Yaralının vəziyyətinin orta-ağır olduğu bildirilir. Faktla bağlı araşdırma aparılır.