Avtomobil aşdı: sürücü ölüb - Tovuzda

Tovuzda ölümlə nəticələnən avtomobil qəzası baş verib. Avtosfer.az-ın "Report"a istinadən məlumatına görə, gecə saatlarında rayonun Əyyublu kənd sakini, 1994-cü il təvəllüdlü Abbasov Elnur İlqar oğlu həmin kəndin ərazisində avtomobillə hərəkətdə olarkən idarəetməni itirib. Bu zaman avtomobil yolun kənarına aşıb. Ağır kəllə-beyin travması alan sürücü xəstəxanaya çatdırılsa da, həkimlər onun həyatını xilas edə bilməyib. Faktla bağlı araşdırma aparılır.