Avtomobil maneəyə çırpıld: sürücü xəsarət alıb - FOTO + VİDEO

Kürdəmir rayonunda yol qəzası baş verib. Avtosfer.az-ın "Report"a istinadən məlumatına görə, hadisə gecə saatlarında şəhərin "Dörd yol" adlanan hissəsində qeydə alınıb. Belə ki, Kürdəmir rayonunun Çöhranlı kənd sakini, 1988-ci il təvəllüdlü Asim Əzizalı oğlu Hüseynovun idarə etdiyi "Mercedes" markalı minik avtomobili idarəetmədən çıxaraq beton maneəyə çırpılıb. Nəticədə sürücü müxtəlif dərəcəli bədən xəsarətləri ilə Kürdəmir Rayon Mərkəzi Xəstəxanasına yerləşdirilib. Faktla bağlı araşdırma aparılır.