Avtomobil maneəyə çırpıldı: 1 yaralı - Cəlilabadda

Cəlilabad rayonunda 1 nəfərin xəsarət alması ilə nəticələnən yol qəzası baş verib. Avtosfer.az “Report”a istinadən xəbər verir ki, Ələt-Astara yolunda “Opel” markalı avtomobil ilə hərəkətdə olan 1980-ci il təvəllüdlü Şirvan şəhər sakini Bünyatov Tural Xəlil oğlu idarəetməni itirərək yolun kənarındakı maneəyə çırpılıb. Müxtəlif dərəcəli bədən xəsarətləri alan sürücü Cəlilabad Rayon Mərkəzi Xəstəxanasına çatdırılıb. Faktla bağlı araşdırma aparılır.