Avtomobil marketə çırpıldı: sürücü xəsarət alıb

Mingəçevir şəhərində yol qəzası baş verib. Avtosfer.az-ın "Report”a istinadən xəbər verir ki, hadisə şəhərin Təbriz küçəsində qeydə alınıb. Belə ki, “Opel” markalı avtomobil idarəetməni itirərək yol kənarındakı marketin binasına çırpılıb. Nəticədə 1990-cı il təvəllüdlü sürücü İbrahim Lətif oğlu Qurbanzadə müxtəlif dərəcəli bədən xəsarətləri ilə Mingəçevir Şəhər Mərkəzi Xəstəxanasına çatdırılıb. Faktla bağlı araşdırma aparılır.