Avtomobil orta yaşlı qadını vurub öldürdü - Siyəzəndə

Siyəzən rayonunda qadın piayadının ölümü ilə nəticələnən yo-nəqliyyat hadisəsi baş verib. Bu barədə Avtosfer.az-a Daxili İşlər Nazirliyinin mətbuat xidmətindən məlumat verilib. Məlumatda bildirilib ki, dekabrın 3-də saat 22 radələrində Siyəzən rayonu ərazisində Şabran şəhər sakini Əhməd Sətdarov idarə etdiyi “Opel” markalı avtomobillə yolu keçən 45-50 yaşlı qadını vurub. Yaralı aldığı xəsarətlərdən hadisə yerində ölüb.  Onun şəxsiyyəti hələlik məlum deyil.

Baş İstintaq və Təhqiqat İdarəsi tərəfindən araşdırma aparılır.