Avtomobil piyadanı vurub - Bərdədə

Bərdə rayonunda avtomobil piyadanı vurub.  Avtosfer.az-ın "Report"a istinadən verdiyi məlumata görə, hadisə Yevlax-Ağdam avtomobil yolunun rayonun Əmirli kəndi ərazisindən keçən hissəsində qeydə alınıb. Belə ki, həmin kəndin sakini Qəzənfər Qələndər oğlu Qələndərov yolu keçərkən "VAZ-2104" markalı minik avtomobili tərəfindən vurulub. Yaralı Bərdə Rayon Mərkəzi Xəstəxanasına yerləşdirilib. Onun vəziyyəti orta-ağır olaraq qiymətləndirilir. Bərdə rayon Polis şöbəsi əməkdaşlarının keçirdikləri əməliyyat-axtarış tədbirləri nəticəsində yol-nəqliyyat hadisəsini törətməkdə şübhəli bilinən sürücü, Ağdam rayon sakini Elmurad Bayramov saxlanılıb. Faktla bağlı araşdırma aparılır.