Bakı-Qazax yolunda 2 avtomobil toqquşub

Ağstafa rayonunda xəsarətlə nəticələnən yol qəzası baş verib. Avtosfer.az-ın "Report"a istinadən məlumatına görə, Bakı-Qazax avtomobil yolunun Ağstafa rayonu ərazisindən keçən hissəsində 2 avtomobilin toqquşması nəticəsində 1957-ci il təvəllüdlü Şəmkir rayon sakini Telman Mustafayev müxtəlif bədən xəsarətləri alıb. Xəstəxanaya müraciət edən T.Mustafayevə tibbi yardım göstərilib və hazırda vəziyyətinin qənaətbəxş olduğu bildirilir. Faktla bağlı araşdırma aparılır.