Bakıda üç maşın bir-birinə girdi, təhlükəsizlik kamerası qırıldı - FOTO

Paytaxtın Nəsimi rayonu, Novruzov qardaşları ilə Nəsib bəy Yusifbəyli küçələrinin kəsişməsində zəncirvari qəza baş verib.

Bu barədə izləyicilərdən biri Avtosfer.az-ın “İnstagram” ünvanına fotoşəkillər göndərib. Hadisə iyulun 6-da səhər saatlarında qeydə alınıb. Belə ki, hərəkətdə olan “Mercedes” markalı maşın “Nissan” markalı avtomobilə o isə öz növbəsində dayanmış “Mitsubishi” markalı nəqliyyat vasitəsinə çırpılıb. İzləyicinin sözlərinə görə qəzaya səbəb ara məsafəsinin düzgün təyin edilməməsi olub. Nəticədə hər üç avtomobilə maddi ziyan dəyib. Eyni zamanda “Mercedes” ərazidə quraşdırılmış “Təhlükəsiz Şəhər” kamerasına dəyərək onu yararsız hala salıb. 

Qeyd edək ki, izləyici sözügedən ərazidə işıqforun olmaması, sürücülərin növbələrini gözləmədən hərəkət etməsi səbəbindən təhlükəli vəziyyətin və qəzaların tez-tez baş verdiyini bildirib. Eyni zamanda o, sürücülərin keçiddən keçən piyadalara da məhəl qoymadıqlarını əlavə edib. 

Nərmin